Vom Eise befreit sind Strom und Bäche... Wer kennt dät nich? Eenen Dach vör Ostern willn wi, dät sind Werner Foht un Cornelia Zimmerling, Rita Jankowski un Annemarie Giegler, 'n Stück dörch unse Stadt gohn. Wi willn keen Osterwoter hol`n, nä, Werner Foht wett sehr väl öwer unse Stadt to vertelln, un dät ok noch up uns Uckermärker Platt

Wi dre Fruens läsen orer vertelln Texte von Max Lindow, de vör 150 Johrn jeborn worrn is, un wat mi so infalln is vör, ok up Plattdütsch. Up 'n Marcht jeit` vörmiddachs üm Klock zehn los. Wer kennt dänn noch de olle Zigarrnfabrik, un wer wett wat von dänn` Templiner Bürgermeister, de so sehr üm sien Fru truert hett, as se storben is. Un kennt dänn eener dänn` Mohlsteen in de Stadtmuer? Dät allenst kann Werner Foht vertelln.

Weil wi aber nich so jeern alleen gohn, würr`d 'n wi uns freuen, wenn doch werrer 'n poor Lüd met komm`. Se kön d` glöben, dät is richtig interessant un Spoß mökt dät ok. Vör dät Weder sind wi nich tostännig. Am leewsten harrn wi Sunnenschien! Un dänn jeit` ok werrer an` fünften Mai met 'n` Schnupperkurs „Ganz näbenbi“ up Plattdütsch los. Also nich verjäten, n ` Dach vör Ostern „Osterspazierjang,“ un vielleicht ok bi de Volkshochschol anmelden un noch 'n bäten Plattdütsch hörn, läsen un räden lehrn. Un nu 'n schönet Osterfest.