De Lerken schwirrn un juwiliern
Pingesten, Pingesten is sonn scheenet Fest,
vaar uns is et all immer sau jewesst.
An' Himmel de Lerken schwirrn un juwiliern,
allet Jetier duet sik vaarn Noawuchs aktiviern.
De Bienen summen un de Blumen bliehn
been langen Friehlingsdach un Sunnenschien
De Berken sau jreen un de Luft sau lind,
doa dräever freet sik man jäedet Kind.
Un de Mäekens sin sau duftich,
un de Burschen sau lustich,
fresch up bee Stoll'rieden, Musike un Danz
jeppt vaart Fest den needichen Jlanz.
Läewensjeister koam' wedder in Schwung
bee't Jetier wie be de Liede, old un jung.
Karlheinz Niendorf, Jüterbog, Flämingplatt
